3rd Delhi Hmar Premier League
Day I
Results:-
Match I: Sura 1-1 Nahai
Match II: Renthlei 3-1 Neilal
Day II
Fixture:-
Date- 16 October 2010, 3:oopm (Sharp)
Ground- Kathuria Public School, Vasant Kunj
Match I:
Sura v/s Neilal
Ref.- James Pusing
Assts.- Solomon Mihriemate & Stephen L. Ruolngul
Match II:
Nahai v/s Renthlei
Ref.- Nehemia Ruolngul
Assts.- Salvador & Richard Joute
Group/Team P W L D GF GA Pts.
Renthlei 1 1 0 0 3 1 3
Sura 1 0 0 1 1 1 1
Nahai 1 0 0 1 1 1 1
Neilal 1 0 1 0 1 3 0
**October 9, 2010 khan Kathuria Public School Football Ground, Vasant Kunj, New Delhi hmunah Sikpui Sports 2010 cum 3rd Delhi Hmar Premier League chu tan a lo ni tah. Remchangnawna thenkhat a um nawk leiin DT issue hmasak a ei insuo Harbaksh Stadium kha ei hmang thei ta naw a. Amiruokchu, hi lai hmun inhawi tak el a hin ei inkhel thei ta lem hlau a nih. Mipui pungkhawm khawm an thahnem thawkhat hle. Day I match result le hmabak fixture chu page no. 12 a hmu thei a nih.
** Hmar Christian Fellowship Delhi, Nuhmei Pawlhai chun kar hmasak Pathienni kha Mainpuri Mission Field a va hmang a. Ei thawktu le ringtharhai leh hun va hmangin an hlim tlang hle thu ei lo dawng. Pathienin an rawngbawlna malsawm pei raw seh.
** October 9 khan Abraham Grouphai chun Thalai Conference a an lawmman lakhai vawk that a ruoithe meuin BSSC, Mahipalpur a lawmna hunser an hmang. Ruoithe zoin Rev. Koh Hae Sung Hall a lawmna program khawm phuisui taka hmang ania. House pahni a inthe in inelna le item chi hrang hranghai nei ani baka an Nuhmei Pawlhai khawm an che nasa hle niawm a nih. Chun, hi hun hi ei Thalai thuoitu iemani zat in an va uop bawk.
** Hung tlung ding 24 October 2010 khin 29th Anil Das Music Competition nei ning a tih. Hi competition a hin ei Thalai Pawl khawma vawi tam tak lawmman an lo dawng ta hlak a. Tukum khawm thang nawk ngei tum in an inpuocha mek a nih. Member a tam tak ei thang thei a ding tiin Thalai Conference a hlapawlpui inruolsiekna a ei hmang, “Inkhumtir Ro” ti kha english a sak dingin thuoituhai chun an lo rel ta a nih. Lawmmanhai khawm dawng nawk ngei dingin DT chun ditsakna a’nhlan.
Thalai Conference vawithumna chu hlawtling takin a lo hmang zo tah.
** Nk. Sunita Lalparmawi Varte chawlkar thum vel a sinthawna le inzawma USA tieng a zu’n zin hnung in 25 September 2010 zan khan damtakin Delhi a lo hung chuongkai nawk tah.
** HSA Adviser lo ni hlak le kumsawm lai zet el Delhi Hmar Welfare Association Chairman lo ni hlak Pu Darsiemlien Ruolngul chu kar liemta Ningani, 30 September 2010 khan Mizoram tienga a sin zawm dingin anuhmei Pi Rengi Ruolngul leh Air India flight in Delhi an lo liemsan tah.HSA Delhi chun an in hi tu chen hin Office a ei la hmang zing a ni a. Anmi zuk liemsan vung vung el chu eiin ro hle a nih. Hlawtlingna insang lemchang pei dingin DT chun ditsakna vochuom ei inhlan.
** Hmar Christian Fellowship Delhi Nuhmei Pawlhai chu Mainpuri MissionField kan dingin zani 2 October2010 khan an lo inthawk dawk a. Ei hriet thei china chu mi sawmhnibawr vel an fe thei a. An programdungzui chun Thawtanni hin Delhi anhung tlung nawk hman beisei a nih.
** 24 September le 1 October hai khan HSA FC chun CVS(DU) hai chu friendly match vawihni a lo neipui. Inkhel result chu-
Match I: HSA FC 7-5 CVS(DU)
Match II: HSA FC 4-9 CVS(DU)
** 30 September khan Gideon Group(Munirka) hai chun ThalaiConference a an lawmman lak hai lawmna hunser an hmang. 36-A building a ruoipui meu the in an beinasa hle thu ei lo dawng. Zan hun chen khawm Chacha Papate rawiin insukhlimna chi hrang hrang neiin inhawi an ti hle.
** 4th North East Tamchon Football Trophy (NETFT) chu Commonwealth Games le remchangnawna thenkhat a um leiin la sawnhlat anih. December 4-11, 2010 sung khin Dr. Ambedkar Stadium, New Delhi hmuna inkhel ning a tih.
** Ei Nghakupa Nk. Lalremkim Buongpui khawm a pa, Pu Thanzam thina le inzawm a Rengkai tieng ahang suok chu 30 September khan damtakin Delhi a lo hung chuongkai nawk tah. Lusun tuortuhai po po DT chun a sunpui takzet. Lalpa’n anhma thuoi mawl raw seh.
** Ei Thalai Conference le inzawmin Lawmman latuhai khawm tuta kar sung kha chu lawmmanhai lawmin an buoi deu mup mup a. Ruoihai the in inhawi an ti tawl hle ni’n thu ei lo dang. October 2 khan unau Daniel Grouple Mosie Group hai chun ropuitakin an lo lawm zo ve tawl tah.
** September 27 zan khan Pi Ringzuol W/o Ngursanglur Tipaimukh MLA chu Mexico hmuna Dam efected people hai conference a Tipaimukh dam le inzawma present pe ding in USA a lo pantah.
** SIPHRO huoihawt na hnuoiah December 1-5, 2010sung khin Ruonglevaisuo (Tipaimukh) ah SIKPUIRUOI 2010 hmangning a tih. December 1-3 sung khin Water Sports nei ning ata, December 4 khi Cultural Day a hmang ning a tih. Sikpuiruoi ni tak hi December 5 ni a hmang ninga tih. Hi Sikpuiruoi thupuichu “Hnam Ro Humhim” ti anih. Programme kim changlem chu nakie tieng hunginsuo ning a tih. Ruoi khawm ropui taka buotsai tum a nih
** Damnaw ei la tam zing aei update seng zozai ta nawa nih. Mitin inenkawl thangei tiu.
HSA EDUCATIONAL TOUR 2010
Hung tlung ding October 30, 2010 khin HSA Jt. Hqrs., Delhi chun Sultanpur Bird Sanctuary a Educational Tour nei dingin a lo riruong a. Contribution chu Rs. 250 per head (Including lunch entry fee) ning a tih. A fe nuom taphawt hai le thu indawn chieng nuomhai chun Nk. Dorothy Lalneizo (+919899038612), Nk. Thlirnawnmawi (+919654385267), Tv. Lalhmunlien (+917838609234) le Tv. William Darngon (+919811357049) hai kawla hming pek le thu chieng lem indawn thei a nih.
-Dorothy Lalneizo
Secretary, Education
DELHI HMAR DIRECTORY
Hun iemani chen anthawk ta khan HSA Jt. Hqrs., Delhi chun Delhi Hmar Directory siem nawk tumin hma a lo lak ta a. House visit le data collection khawm ei vawikhat in rel fel phur chu ani tah. Amiruokchu, entry la thaw lo le hriet hmai pal lo um thei ngai ani leiinhi taka dinga lan zieklut nuomhai chun Tv. William Darngon(+919811357049)/ Tv. James Pusing (+919899370879) kawla inhriettirvat ding. Chun, mani ruol le pai han an lo hriet naw pal thei leiin mitin bengvar tum seng ei tiu.
HMAR CHRISTIAN FELLOWSHIP DELHI
Liem tah 25th September 2010 khan ei inkhawmna Apostles Methodist Church, Sector-IV, RK Puram, New Delhi hmunah 3rd Thalai Conference hmang a ni a. Hi le inzawm hin Delhi hmun hrang hrang a inthawk a ei conference mi hung hmangpui a mi hung uopmawituhai po po in chung ah Hmar Christian Fellowship Delhi Thalai Pawl hmingin lawmthu kan hung hril a. Chukhelah, tha le zung el chau khawm nilo a sum le pai a hi conference hung thangpuituhai po po chungah Pathien hmingin lawmthu kan hunghril tak meu meu a nih. Hmatieng pei a khawm hi nek a hrat nawkzuol a Pathien ram a rawng ei bawl pei theina dingin in tawngtaipui tuo hlak ei tiu. Lalpa’n in hma thuoiin malsawm pei raw sen cheu.
-Zarzolien Infimate
Secretary
LAWMTHUHRILNA
Ahmasa’n Delhi Thurawn tiem tuhai po po in rengin chibai. Kan naupa Mr. Lalhmangai Tryte in date 21 September 2010 ni in hunlo taka muol a mi lo liemsanna leia mani sin tulhai maksana, sum le pai tamtak seng a mi hung sunpuituhai po po Delhi Thurawn fethlengin lawmthu kan hung hril cheu. Kan chunga in thatnahai po po Lalpa’n a let tamin malsawmraw sen cheu.
In lunginsietna dawngtuhai
-Mr. Zaituokung le a Sunghai,
Rengkai, Churachandpur, Manipur
HMAR CHRISTIAN FELLOWSHIP,DELHI
(Department Of Music & Youth Affairs)
The 3rd THALAI CONFERENCE, 2010 Programme
A Hun: 25th September 2010
A Hmun:- Apostle Methodist Church, Sector-4,
R.K.Puram, New-Delhi 110022
First Session(1030 hrs.):
FRESHERS WELCOMING & INTRODUCTION
Conductor: Tv. Stephen L Ruolngul
Praise & Worship: Worship Team
Opening Prayer: Pastor J Thanglur
Welcome Address: Tv. Jessai Shakum Chairman
Tantu: Nk. Chawnglienmawi
Introduction of Freshers: Tv. H Johnson Hmar & Tv.William Darngon
Message & Prayer For Freshers:Pastor Lalditsak Inbuon.
Closing Prayer: Rev. Maylawmthang
…..(LIGHT REFRESHMENT)……
Second Session: COMPETITION
Praise & Worship: Worship Team
Conductor: Tv.Lalneilien Inbuon, Music Secretary
Competition Items:
1. Thupawlpui
2. Hlapawlpui
3. Quartet
4. Skit. (Min 5 Mins. Max.7Mins)
5. Solo(Malzai):- Nuhmei le Pasal
Ruoi Inhlanna: Evan. Vanlaltlan
.…(DINNER)….
Third Session:
Conductor: Tv. Emmanuel Ramnmgailien &
Nk.Esther Lalsanhim
Praise & Worship: Worship Team
Intruduction Of Invitees: Tv. Jessai L Shakum, Chairman
Greetings From Other Fellowship
Message: Pu H.T Sangliana
Prize Distribution: Tv. Lalneilien Inbuon &
Upa.Dr. Lalsiemlien Pulamte
Special Item: Kohran Inthuruollo
Vote Of Thanks & Secretary Report: Tv. Zarzolien Infimate, Secretary
Benediction: Pastor Lalditsak Inbuon.
Notes:-
1. Inpakna hla sak ding chu ei hun hmang dan a zirin karlakah ko pei ding a ti a nih. Artistes hai inring zinga um dinga ngen ei nih.
2. Ushers dingin Nuhmei Pawlhai fiel an ni a, mitinin thuawi takin an mi rem dan dan a inthung el ding.
3. Area tinhai a hun taka kim seng ding. Co-ordinator-hai mani area seng kha hung inrawi dingin ei inhriettir nghal. Zana mikhuol nei ding ei ni leiin a hun thap thap a ei chang a pawimaw hle ding a nih.
mawphurna Neihai
Tucha:
1.Tv. James Pusing (Leader)
2.Tv. Lalkhawnvar (Leader)
3.Tv. Edward Sungte (Leader)
4.Tv. Mama Ralsun
5.Tv. K Benjamin
6.Tv. Paul Lalthangpui
7. Tv. Hrilzarlien Khawbung
8. Tv. Malsawmthang Sungte
9. Pu.Salmon Thiek
10. Pu. Lalthuoisang Pangamte
11. Tv David Lalditsak
12. Tv Lalenglien Buhril
Banner:-
1.Tv. Emmanuel Ramngailien Lungtau
2.Tv. Erwin Fimthanglor Infimate
3.Tv. Phlegon
Ushering:-
Nuhmeipawl
Worship Team:-
1. Pu Vanlalmuon Joute
2. Tv. Francis Lalnunmawi
3. Tv. Lalngailien Joute
4. Tv. William Darngon
5. Nk. Rebecca Lalvulmawi
6. Nk. Lalruotmawi Pudaite
7. Nk. Lalbieklien
Artistes:-
1. Nk. Lalrimawi
2. Nk. Kanaan Changsan
3. Nk. Ruth Ruoltinsing
4. Nk. Rebecca Lalvulmawi
5. Nk. Zaithankungi
6. Tv. James Vanlallur
7. Tv. Lalngailien Joute
8. Pu Vanlalmuon Joute
Inruolsiekna Rules & Regulations:-
1. Hlapawlpui-
Chang 1-4 chen sak ding. Master key chu Bb hmang ning a tih.
2. Thupawlpui-
Hlapawlpui le ko kawp ning a ta, hlapawlpui sak a thanghai po chu thupawlpui hrilna a khawm thang ngei ngei ding a nih.
3. Quartet-
Chang 1 le 2 sak ning a tih. Chun, group tina inthawk quartet nuom zat zat thang thei ni bawk a tih. Master key chu Bb hmang ning a tih.
4. Solo-
Chang 1 le 2 sak ning a tih. A key ruok chu mani zo tawk le sak inhawi tawk ang pei a sak thei ning a tih. Chun, a thei chena chu solfa zai zui ding a nih.
5. Skit-
A thei hram chun time limit ei siem kha bawpel lo ding a nih.
*** Item tina Judge hai thutlukna chu a tawpna ni pei a tih
Ei hma el a khin 4th RN Tamchon Memorial Football Tournament a um nawk ta ding a ni a. Tu chena chu October thla sunga inkhel ding a ti a ni bawk. Hi le inzawm hin ei ni HSA Delhi khawm ei hnam pumpui sika ngira va’n khel ve nawk dingin lungril ei siem meka. Chutaka ding le inzawma playerhai inhmelhriet malamin ti’n Pre Tamchon Football League khawm ei lo khel ta bawk a nih.
Tum anga thil a fe pei a ni chun hun sawt ei nei ta bek bek naw a. Chuleiin, anhmat thei ang taka practice ei tan nawk mup mup a hun ta takzet. Amiruokchu, player select hi thil awl-ai a ni naw leiin ei thuoituhai in Probables an hung thlangsuok a; hieng a hnuoia hming zieka um hai hi mani remchang ang seng a lo in la ‘fit’ zing dingin ei inhriettir nghal a nih.
1. Alfred Pangamte,
2. Damrawse Sinate,
3. H.Johnson Hmar,
4. Henry Varte,
5. James Milienropui,
6. Laltanlien,
7. Lalbieklawm Khawbung,
8. Lalthuoisang Pangamte,
9. Mang James,
10. Max Zara Sungte,
11. Michael Hringlon,
12. Mordekai,
13. Ramhmangai,
14. Ramngailien Lungtau,
15. Roland Tuolor,
16. Stephen L.Ruolngul,
17. Samuel Tusing,
18. Salvador,
19. Solomon Mihriemate,
20. William Darngon,
21. Zalienhmang,
22. Zonunmawia
Ei hriet ding a pawimaw chu, hieng a chunga ei tarlang hai baka hin mi theinghil pal dam lo um thei ngai a nia, tha a ei ngai hai chu thuoituhai kuoma hril vat vat ding a nih. Chu naw a chun, hming tarlang a umhai hi Tamchon a HSA Squad dinga select an la ni naw a; nakie le final selection chu la um nawk a tih. Takinning le inthunun thei hai hai chu ei thlang el ding niawm tak a nih.
Chun, CWG ding lei hin ei practice ground ding ei la sukfel thei naw a, ei sukfel phat le reng a ei practice na ding le thil tul danghai chu la hung inhriettir nawk pei ning a tih.Lawmthuhrilna
Hun kha chen hriselnawna leia mangangna kan tuok lai a ngaina taka hospital tieng a mi hung enkaitu le insung tieng chen a khawma mi hung bawisawmtuhai po po chunga lawmthu kan hung hrila. Chun, kohran mipui le mimal lainataka mi lo tawngtaipuituhai po po kuoma khawm lawmthu kan hung hril bawk. In mi hmangaina, in mi thangpuina le in mi tawngtaipuina zar chau a dam tieng pan pei a kan um ta hi kan lawm tak meu meu a. Pathienin a let tam taka malsawm ding cheu in kan ditsakna kan inhlan cheu.
-James Milienropui le
A Sunghai** September 16 le 18 khan Old JNU Campus ground a Pre Tamchon Football League inkhel a nih. Group 4 a inthe a vawikhat seng in bitum ding ti nisien khawm ground tieng nuom ang a hmang ding ei hmu remchang thei naw leiin match 2 seng inkhel a ni a. Chutaka result chu:-
Day I:
Match 1: Mahipalpur(Vakul) 4-0 W.Delhi(Vaki)
Match 2: Munirka (Vapuol)3-1 South Ext. (Vaber)
Day II:
Match 1: Vaber 3-0 Vaki,
Match 2:Vapuol 4-1 Vakul
** DHWA Adviser ni lai zing le tukum kum bul laia lo retire tah Pu Lalruotthang hai nupa chu Churachandpur tienga khawsa lem ta dingin tuta kar liemta sung khan Indigo Flight in Delhi an lo liemsan tah. Hmatieng pei a malsawmna le tluongtlung taka hringnun an khal pei theina dingin DT chun ditsakna ei inhlan.
** September 22 khin HSA Barak Velley chun CAREER GUIDANCE thupuia hmangin Seminar buotsai an tum thu ei lo dawng.
** September 22 khin HSA Barak Velley chun CAREER GUIDANCE thupuia hmangin Seminar buotsai an tum thu ei lo dawng.
** September 18 khan DHWA hmalaknain Icon Towers, D-Block, Vasant Vihar a ei thuoitu hlun Pu Darsiemlien Ruolngul inthlana, Pu HT Sangliana sin chel thar le Delhi a ei welfare member an sinthawna a promotion hmu tharhai lawmpuina hun hmang a nih. Pu PC Lawmkunga, Additional Chief Secretary, Govt. of Manipur le Pu Hangkhanpau Darngawn, MLA khawma hi hunser hi an mi hung hmang pui ve a. Programme phuisui tak hmang zoin ruoi ropui taka the a ni bawk.
** September 16 khan Sinleng member Pu JS Lalringum chun Maruti Alto K10 thar hlawk a lo inchawk ve tah.Ei lawmpui takzet a nih.
** HCFD hnuoi a South Ext. Vengbuk Chairman Tv. Lalmuonthang chu hun iemani chen zet el dengue natna leia AIIMS a enkawl a ni hnungin tuhin that tieng pan peiin hospital a inthawk discharge a lo ni tah.
** Tv. Erwin Fimthanglor Infimate khawm kar khat vel dengue natna leiin Sita Ram Hospital, Katwaria Sarai a enkawl a ni a. Sept. 16 khan that tieng pan peiin a lo hung suok ve tah.
** Tv. James Darngawn khawm that tieng pan pei in Hospital a inthawk a lo suok ta bawk.
** Tv. Lalremlien Neitham khawm hospital a enkawl mek an la ni thu lo dawng a nih.Insung Thuomhnaw Inman Takin
Tulna leiin Veng kan suok ding a ni a, insung thuomhnaw kan zawr nuom. Fridge, TV., Gas Stove, Filter, Khum, Bike (Pulsar 180 cc). A dit le inchaw nuomhai chun iengtik lai khawm a hnuoi a hming ziek kuoma hin ngaiven thei a nih.
-Pu Mark Ngamthangrum
Mob. # +919953335404
DELHI HMAR WELFARE ASSOCIATION
11th September 2010 DHWA Executive Meeting thurel mipui hriet ding awm tlangpui a hnuoia ang hin:
1. DHWA in-awp-dan iemani zat siemthrat ani a; inkhawm nawk hmasatak a namnghet ding ti anih.
2. Sikpui Kût 2010 November ni 27 a Gospel Centenary le inmil a hmang dinga riruonga um chu hmun le hmang le thil trul dang dang lo en tlitlai dingin mi ruot a nih.
3. Sikpui Kût 2010, khawrsaw suktuo dingin member hai lai sum lakkhawm tha ti ani a; Puitling lukip in Cheng zakhat le Naupang lukip in Cheng sawmnga lak remti anih. Hi sum lakkhawm hi Val Upa le Nghak Upa hai mawphurna a sie a nih.
4. Sikpui Kût 2010 huna DHWA Award pek thei mihriem an um le naw en tlitlai le bawzui dingin 2010 DHWA Award Committee dingin Puhai L Keivom, C Thant Khobung, Lala Khawbung, Lal Dena le Hrangthangvung ruot an nih.
Hrangthangvung
Secretary** Nk. Sunita Lalparmawi Varte chu a sinthawna le inzawmin September 7, 2010 khan Delhi suoksanin USA tieng a lo liem thla tah. Chanchin ei lo dawng dan chun ama hi chawlkar thum vel a zu thang ding a nih. A sinhai tha taka a zu thaw theina dingin ditsakna ei inhlan.
** September 12, Sunday inkhawm tin char hin HCFD Dept. of Music & Youth Affairs executive meeting um a tih. Ei hma el a hung tlung ding 3rd Thalai Inkhawmpui le inzawm a tul le pawimawhai sukfel ani bakah agenda dang dang khawm ngaituo ning a tih. Member po po kim taka thang seng dingin ei inhriettir nghal.
** Zani, September 11, khan HSA Joint Hqrs., Shillong chun Anton Hall, St. Anthony’s College a Freshers’ Social cum Annual Meet an lo hmang ve tah. Freshers introduction a thang po chu mi 30 vel an ni a, an record dungzui a freshers an nei zat chu mi 50 vel an ni thung.
** September 18 hin DHWA chun Pu Darsiemlien Ruolngul inthlana thlaithleng buotsai a tum thu ei lo dawng.
** Tv. Lalremlien Neitham, Vice President, HSA Delhi chu damnawna leiin Sept. 9 khan Chirag Pallika Hospital a admit a nih.
** Ei Nhgak-upa Lalremkim Buongpui pa Pu Thanzam Buongpui chu sungtieng natna leiin AIIMS a enkawl mek a nih. Hieng lai zing hin a nu khawm khawsik le sungkhaw leiin tho har pei lo in a la um bawk. Tawngtaina’n lo san ei tiu.
